Vai anche Tu su contatti e scrivi la Tua preghiera, sarà pubblicata su questa pagina.


 

Preghiere in onore di

"San Francesco di Paola"

1)

SANTU PATRIMIU DILETTU, ASSAVENI NA CASA MIA CHI L'ASPETO.
L'ASPETTU IN CUMPAGNIA, CU GESU', GIUSEPPE E MARIA.
FACITIMI NA RAZIA A MIA CU STU VASTUNI CHI TINITI IMMANU, FACITIMI STA RAZIA A MANU A MANU.
SANTU PATRI, SANTU PATRI, SITI CHINU DI CARITATI, PIATI LU SIGNURI, PI NUI POVIRI PICCATURI.

2) 

Santu Patri Santu Patri tuttu chinu di caritati, Santu Patri un m'abbannunati alli me nicissitati e priati lu Signuri pi niatri piccaturi.

3)

 

Oh Santu Patri di tanti grazi chinu

lu cori vostru è comu focu ardenti,

pi Vui ni fici lu Patri divinu

miraculi a li divoti genti.

 

Specchiu di virtù, candidu gigghiu,

servu di la puvirtà cchiù dura,

datini sempri lu vostru consigghiu

pi piaciri a Dio e a la gran Signura.

 

Oh Patriarca di la carità

chi passastivu lu mari senza scantu

quannu priastivu l’Eterna Trinità,

di Calabria a la Sicilia supra lu vostru mantu.

 

Stu jornu chi passati pi la via

ciuri ci sunnu e cannili addumati,

purtativilla ‘ncelu st’arma mia,

doppu la morti, cu li santi biati.

 

Oh Prutitturi nostru assai speciali,

santu ch’arriviscistivu li morti,

arrassatini di lu nimicu ‘nfernali

e rapitini di ‘ncelu li biati porti. 
 

4) Priamu a San Franciscu di Paula.

San Franciscu di Paula miu dilettu
trasiti 'nta lu me cori cà v’aspettu!
Eu pensu sempi a vui ‘ncumpagnia
... e v’aspettu cu Gesù, Giuseppi e Maria!
V’aspettu cu summa divuzioni
Grazia vogghiu e cunsulazioni!
Pi tririci uri chi parrastivu cu Maria
cunciditi prestu sta razzia a mia.

Salvatore Mirabile

5) Lu vastuni di San franciscu di Pavula.

San Franciscu chi a Pavula nascistivu
e di la beddra muntagna vinistivu,
... ora ca siti ranni e ca iti caminannu
a lu vastuni itivi sempi appuiannu.

E quannu rapistivu lu cannolu
l’acqua curria violu violu,
vui davanti stricannu lu vastuni
cu l’acqua darreri comu u vaddruni.

E attuppannu stu signali nterra
facistivu finiri la sciarra e la guerra,
e si fu canna o puru vastuni
li turchi scapparu a sdirrupuni.

E passastivu puru lu strittu supra lu mantu
tinennu ‘n manu pi timuni u vastuni santu,
passastivu u confini e arrivastuvu luntanu
ma sempre tinennu strittu lu vastuni manu.

E sempri cu stu vastuni né petri e né spini
ci pottiru e nun pungeru li vostri peri fini,
e si fustivu comu ‘n’eternu viandanti eremita
bonu fussi esseri tutti piddririni nta sta vita.

Salvatore Mirabile

 6) San Franciscu nun chiangiti.
San Franciscu oh San Franciscu
surriggitimu si nnoni iu cascu.
Aiutati stu cori miu affrittu
... ca vi lu lassu Santu binirittu.
Quanti voti vegnu a sta pirrera
pi lasssarivi li me pinsera.
E mi portu l’acqua di rocca
senza rumpiri sta ran brocca.
Picchi unn’é acqua ma su lacrimi
e di chissi San Franciscu sazziatimi.
San Franciscu nun chiangiti
e pi sti piccatura ora prigati.
Nun chiaingiti cchiù San Franciscu
ca iu ora spissu vi vegnu a piscu.
E si tanti fussiru comu a mia
ridissi Vu’, Gesu, Giuseppi e Maria.

Salvatore Mirabile

6)   Oh Santu Patri!

Oh Santu Patri di tanti grazi chinu
lu cori vostru è comu focu ardenti,
pi Vui ni fici lu Patri divinu
... miraculi a li divoti genti.

Specchiu di virtù, candidu gigghiu,
servu di la puvirtà cchiù dura,
datini sempri lu vostru consigghiu
pi piaciri a Dio e a la gran Signura.

Oh Patriarca di la carità
chi passastivu lu mari senza scantu
quannu priastivu l’Eterna Trinità,
di Calabria a la Sicilia supra lu vostru mantu.

Stu jornu chi passati pi la via
ciuri ci sunnu e cannili addumati,
purtativilla ‘ncelu st’arma mia,
doppu la morti, cu li santi biati.

Oh Prutitturi nostru assai speciali,
santu ch’arriviscistivu li morti,
arrassatini di lu nimicu ‘nfernali
e rapitini di ‘ncelu li biati porti. 

Prof. Lorenzo Barbara